Міністэрства замежных справаў РФ выказала абурэнне ў сувязі з нападам на амбасаду РФ у Беларусі.
На тэрыторыю амбасады напярэдадні былі кінутыя дзве бутэлькі з запальнай сумессю.
«Расцэньваем гэтае здарэнне як абуральны акт, за якім праглядаецца імкненне пэўных сілаў паспрабаваць перашкодзіць нармальнай працы амбасады і прыўнесці ў двухбаковыя стасункі элементы недаверу і напружанасці», - кажацца ў заяве МЗС РФ, распаўсюджанай у аўторак, перадае «Інтэрфакс-Захад».
«Расейскі бок настойвае на правядзенні аператыўнага і стараннага расследавання ўсіх абставінаў гэтага здарэння, выяўлення і пакарання арганізатараў і выканаўцаў злачынства», - адзначаецца ў дакуменце.
«Зыходзім з таго, што з боку праваахоўных органаў Беларусі будуць прынятыя ўсе неабходныя меры для безумоўнага недапушчэння падобных акцыяў у будучыні», - кажацца ў заяве расейскага знешнепалітычнага ведамства.
Увечары 30 жніўня невядомыя зламыснікі кінулі дзве бутэлькі з запальнай сумессю на тэрыторыю амбасады РФ у Беларусі. Як адзначае МЗС РФ, «зусім выпадкова ніхто з супрацоўнікаў расейскай дыпламатычнай місіі не пацярпеў».
Адна з бутэлек прабіла задняе шкло службовага аўтамабіля, у выніку машына згарэла.
Амбасада РФ у Менску накіравала ў МЗС Беларусі ноту з просьбай аказаць садзейнічанне ў правядзенні расследавання інцыдэнту.
31.08.2010
Хартыя`97
