Часовы павераны ў справах Беларусі ў Малдове Аляксандр Салаўёў уручыў у Кішынёве групе ветэранаў Вялікай Айчыннай вайны, якія прымалі ўдзел у вызваленні Беларусі, медалі "70 год вызвалення Рэспублiкi Беларусь ад нямецка-фашысцкiх захопнiкаў".

Аляксандр Салаўёў павіншаваў ветэранаў з 70-й гадавінай вызвалення Беларусі, адзначыў важны ўклад малдаўскіх ветэранаў у Перамогу над фашызмам, праяўленыя імі мужнасць і гераізм пры вызваленні нашай краіны.

Пасольства Беларусі ў Малдове плануе ўзнагароджанне больш як 180 ветэранаў вайны, якія пражываюць у розных рэгіёнах Малдовы, уключаючы Прыднястроўе.

30 ліпеня 2014, Кішынёў
Андрэй Гусін - БЕЛТА