У Чэске-Будзеевіцэ праходзіць з 29 жніўня па 2 верасня міжнародная сельскагаспадарчая выстава.
Перспектывы павелічэння экспарту беларускай сельгастэхнікі і іншых тавараў, рэалізацыі сумесных інвестыцыйных праектаў абмеркаваў пасол Беларусі ў Чэхіі Васіль Маркавіч з прадстаўнікамі мясцовых дзелавых колаў у межах міжнароднай сельскагаспадарчай выставы, якая праходзіць з 29 жніўня па 2 верасня ў Чэске-Будзеевіцэ.
Як паведамляе прэс-служба беларускага знешнепалітычнага ведамства, у выставе бяруць удзел 700 сельскагаспадарчых прадпрыемстваў з 32 краін, уключаючы Аўстрыю, Беларусь, Германію, Данію, Расію, Славакію, ЗША, Украіну.
У выставе удзельнічае "Гомсельмаш" і сумеснае беларуска-чэшскае прадпрыемства Bel-Czech Trade s.r.o., беларускім заснавальнікам якога з`яўляецца "Прамагралізінг". Bel-Czech Trade s.r.o. экспануе розныя мадыфікацыі беларускіх трактароў. "Гомсельмаш" прэзентуе збожжаўборачныя камбайны і кормаўборачную тэхніку "Палессе".
БелаПАНМінск, 30 жніўня 2013
