Журналісты пацікавіліся, як у МЗС ставяцца да заявы прадстаўніка Дзярждэпартамента ЗША Неда Прайса аб тым, што пасол ЗША ў Беларусі Джулі Фішэр прадоўжыць падтрымліваць дэмакратычныя імкненні беларускіх грамадзян за межамі краіны. Гэта заява была зроблена пасля таго, як Беларусь учора аб`явіла аб прыняцці мер у адказ на санкцыі ЗША.

"Джулі Фішэр асабіста вольная падтрымліваць любыя законныя імкненні любых грамадзян хоць у Грэнландыі або на Паўночным полюсе. Таму што ніякіх афіцыйных адносін да Беларусі яна пакуль не мае, - заявіў у адказ Анатоль Глаз. - Гэта прынцыпова важна".

Ён нагадаў, што, у адпаведнасці з пунктам 1 артыкула 13 Венскай канвенцыі, кіраўнік прадстаўніцтва лічыцца пачаўшым выкананне сваіх функцый у дзяржаве знаходжання або з моманту ўручэння сваіх даверчых грамат, або з моманту паведамлення аб сваім прыбыцці і прадстаўлення засведчаных копій грамат.

"Таму да завяршэння акрэдытацыі Джулі Фішэр мае толькі гучны статус назначанага пасла ЗША ў Беларусі, і тое выключна для ўнутраных мэт амерыканскага боку. Ніякіх міжнародна-прававых падстаў для іншага тлумачэння няма, гэтак жа як і для таго, каб лічыць афіцыйнымі яе заявы або іншую дзейнасць у адносінах да нашай краіны", - падкрэсліў прэс-сакратар МЗС.

4 чэрвеня 2021, Мінск
БЕЛТА