Урадавая дэлегацыя Беларусі на чале з прэм`ер-міністрам Міхаілам Мясніковічам прыбыла 11 лістапада з афіцыйным візітам у Народную Рэспубліку Бангладэш.
Чакаецца, што Мясніковіч сустрэнецца з прэзідэнтам Бангладэш Зілурам Рахманам, а таксама прэм`ер-міністрам гэтай краіны Шэйх Хасінай.
Запланаваны перамовы кіраўніка беларускага ўрада з міністрамі сельскай гаспадаркі, прамысловасці, навукі і тэхналогій Бангладэш. У праграме візіту таксама ўдзел Мясніковіча ў беларуска-бангладэшскім бізнес-форуме і сустрэча з прафесарска-выкладчыцкім складам і студэнтамі Універсітэта Дакі.
Візіт будзе доўжыцца па 13 лістапада. Пасля Бангладэш дэлегацыя Беларусі накіруецца з візітам у Індыю.
БелаПАНМінск, 11 лістапада 2012
