15 лістапада ў Мінску прайшла сустрэча начальніка ўпраўлення Еўропы МЗС Беларусі Сяргея Маліноўскага з дэлегацыяй МЗС Фінляндыі на чале з начальнікам аддзела Усходняй Еўропы і Сярэдняй Азіі Олі Кантаненам і паслом гэтай краіны ў Літве і Беларусі па сумяшчальніцтве Мар`яй-Ліісай Кільюнен.
"Падчас сустрэчы бакі абмеркавалі дынаміку і перспектывы развіцця двухбаковых адносін паміж Беларуссю і Фінляндыяй па актуальных кірунках узаемнай цікавасці, уключаючы палітычны дыялог, гандлёва-эканамічнае супрацоўніцтва, узаемадзеянне ў прыродаахоўнай і гуманітарнай сферах", — паведамляе прэс-служба МЗС Беларусі.
"Адбыўся змястоўны абмен меркаваннямі па тэматыцы развіцця ўзаемаадносін паміж Беларуссю і ЕС, іншых пытаннях міжнароднага супрацоўніцтва, — гаворыцца ў паведамленні. — Бакамі дасягнуты дамоўленасці па прапрацоўцы канкрэтных мерапрыемстваў, скіраваных на далейшае пашырэнне ўзаемавыгадных беларуска-фінляндскіх сувязяў".
Андрэй Серада,
БелаПАНМінск, 15 лістапада 2012
