25—27 кастрычніка намеснік міністра замежных спраў Беларусі Сяргей Алейнік наведае Ватыкан і Мальтыйскі Ордэн. Пра гэта паведамляе прэс-служба беларускага МЗС.
У праграме візіту — сустрэчы з дзяржсакратаром Ватыкана кардыналам Тарчызіа Бертоне, старшынёй папскага Савета па культуры кардыналам Джанфранка Равазі, кіраўніком выканаўчай улады Суверэннага Ваеннага Мальтыйскага Ордэна вялікім канцлерам Жан-П`ерам Мазеры і іншымі высокапастаўленымі прадстаўнікамі Ватыкана і Мальтыйскага Ордэна.
Падчас перамоў плануецца абмеркаваць пытанні гуманітарнага супрацоўніцтва і развіцця дагаворна-прававой базы двухбаковых адносін, а таксама ўзаемадзеяння ў сферах культуры, навукі і мастацтва.
Андрэй Серада,
БелаПАНМінск, 25 кастрычніка 2012
