"Усе прынцыпы ААН закідваюцца на самую далёкую паліцу, калі справа датычыцца так званых жыццёвых інтарэсаў ЗША і іх сатэлітаў. Але калі якая-небудзь дзяржава асмеліцца праводзіць палітыку ў інтарэсах свайго народа або паспрабуе скінуць ярмо знешняга кіравання сваімі рэсурсамі, Захад успамінае аб усіх канвенцыях, параграфах і самых нязначных зносках да іх. І галоўнае: да адступніка прымяняецца ўвесь набор незаконных санкцый і націску", - заявіў кіраўнік беларускага МЗС.

Ён адзначыў, што ў гэтым прырода ўсіх так званых каляровых рэвалюцый, якія вядуць толькі да пакут і ўзрушэнняў для простых людзей. "Гэта шлях Захаду. Гэта іх рэцэпт новага свету. Гэты рэцэпт, дарэчы, шчодра прыпраўлены ўзбраеннямі НАТА", - канстатаваў Максім Рыжанкоў.

Ён прыцягнуў увагу да таго, што цяпер каля 40 краін з насельніцтвам два з палавінай мільярды знаходзяцца пад незаконнымі аднабаковымі абмежавальнымі мерамі ЗША і Еўрапейскага саюза. Пры гэтым многія жывуць у такіх умовах дзесяцігоддзямі, а свабодалюбная Куба - больш за паўстагоддзя.

"Гэты інструмент груба парушае цэлыя раздзелы міжнароднага права і Статута ААН. Ён незаконна замаруджвае ўстойлівае развіццё, падрывае харчовую і энергетычную бяспеку, абмяжоўвае доступ да сусветных рынкаў, парушае права на свабоду перамяшчэння. Ён таксама б`е бумерангам і па простых людзях у краінах-ініцыятарах. Мы бачым, як у суседніх з намі дзяржавах ЕС насельніцтва скардзіцца на пастаянна ўзрастаючыя цэны на энерганосьбіты, прадукты харчавання, на сацыяльныя ўзрушэнні", - падкрэсліў Максім Рыжанкоў.

28 верасня 2024, Мінск
БЕЛТА