Беларусь сёння знаходзіцца ў цэнтры геапалітычнага супрацьстаяння, заявіў міністр замежных спраў Сяргей Алейнік на выніковым мерапрыемстве семінара для паслоў Беларусі ў пятніцу.
Кіраўнік МЗС лічыць, што паляпшэння гэтага становішча пакуль не праглядаецца.
"Захад на чале з ЗША захоўвае курс на працяг баявых дзеянняў (ва Украіне), напампоўваючы рэгіён зброяй", - сказаў міністр.
На думку кіраўніка МЗС Беларусі, Захад пакуль не гатовы да спынення канфлікту і пачатку мірнага працэсу. Адначасова з гэтым расце колькасць міратворчых ініцыятыў. Яны зыходзяць ад краін Азіі, Афрыкі, Лацінскай Амерыкі.
"Наша краіна таксама захоўвае свой міратворчы патэнцыял у гэтым выключна важным пытанні, у першую чаргу, дзякуючы асабістай волі кіраўніка нашай дзяржавы", - падкрэсліў Алейнік.
Міністр заклікаў выкарыстоўваць і акцэнтаваць гэты фактар ва ўсіх знешнепалітычных кантактах.
Алейнік таксама нагадаў паслам, што ў 2024 годзе чакаецца адзіны дзень галасавання і фармаванне Усебеларускага народнага сходу. Міністр назваў гэта "маштабнымі ўнутрыпалітычнымі падзеямі".
Міністр заклікаў паслоў зрабіць папярэднюю работу па знешнепалітычным суправаджэнні гэтых працэсаў. У тым ліку ён папрасіў дыпламатаў даносіць у іншых краінах аб`ектыўную інфармацыю.
