28—29 жніўня з афіцыйным візітам Беларусь наведае прэзідэнт Азербайджана Ільхам Аліеў.
Як паведамляе прэс-служба прэзідэнта Беларусі, Аляксандр Лукашэнка і Ільхам Аліеў правядуць перамовы ў вузкім і пашыраным складах, на якіх будуць абмеркаваныя стан і перспектывы развіцця двухбаковых гандлёва-эканамічных адносін, навукова-тэхнічнага і гуманітарнага супрацоўніцтва.
"На парадку дня таксама пытанні ўзаемадзеяння на міжнароднай арэне, у рамках шматбаковых інтэграцыйных аб`яднанняў", — гаворыцца ў паведамленні.
Па выніках перамоў плануецца падпісанне шэрагу двухбаковых дакументаў.
БелаПАНМінск, 27 жніўня 2012
