«Вы, вядома ж, шмат чулі пра Беларусь. Я разумею, што чулі больш негатыўнага, чым пазітыўнага. Таму вельмі важна, што вы прыехалі ў Беларусь, што вы будзеце тут працаваць. І мая самая галоўная, вялікая цікавасць, каб вы бліжэй пазнаёміліся з нашай краінай. Каб вы на свае вочы ўбачылі, чым мы жывем. І я ўпэўнены, што, убачыўшы ўсё гэта, Вы здзівіцеся той розніцы, якая ёсць у рэчаіснасці, і таму, як гэта падаюць часам, перш за ўсё на Захадзе і ў Злучаных Штатах Амерыкі», — адзначыў Аляксандр Лукашэнка.

Прэзідэнт пажадаў паслам, каб іх праца ў Беларусі ў якасці кіраўнікоў дыпламатычных місій стала значным этапам у жыцці, а кар’ера развівалася толькі па нарастаючай.

«Калі трэба вам нешта, звяртайцеся-праз Адміністрацыю прэзідэнта, праз міністра. Я адрэагую, абяцаю вам», — запэўніў кіраўнік дзяржавы.

Звязда, 15 чэрвеня 2023