Даверчыя граматы ў ліку іншых дыпламатаў уручыў і новы пасол Казахстана ў Беларусі Цімур Жаксылыкаў. Звяртаючыся да дыпламата, Аляксандр Лукашэнка папрасіў перадаць Касым-Жамарту Такаеву, што «ён заўсёды быў і будзе нашым самым сапраўдным сябрам».

«Менш чытайце і слухайце непатрэбныя сродкі масавай інфармацыі. Дзякуй вам велізарнае. Спадзяюся, што яшчэ сустрэнемся, абмяркуем нашы пытанні», — дадаў кіраўнік дзяржавы.

Як паведамлялася, на цырымоніі ўручэння даверчых грамат Аляксандр Лукашэнка назваў Казахстан важным, правераным часам сябрам, стратэгічным партнёрам і саюзнікам. Ён звярнуў увагу, што цяпер практычна няма такіх сфер, дзе б у дзвюх краін не было агульных інтарэсаў. Аб высокай дынаміцы супрацоўніцтва сведчаць штогадовы мільярдны тавараабарот і паспяховыя праекты ў прамысловай кааперацыі. Прэзідэнт таксама выказаў словы падзякі ў адрас Прэзідэнта Казахстана за ўсялякую падтрымку, аказаную Беларусі падчас казахстанскага старшынства ў Шанхайскай арганізацыі супрацоўніцтва.

Звязда, 1 кастрычніка 2024