Міністр з жонкай наведаў сацыяльна-педагагічны цэнтр Маскоўскага раёна горада Мінска. У цэнтры цяпер знаходзіцца 21 дзіця. Ад імя ўсяго калектыву МЗС Максім Рыжанкоў павіншаваў іх з надыходзячым Новым годам і перадаў і салодкія, і карысныя ў вучэбным працэсе падарункі, у тым ліку сертыфікат на куплю тэлевізара.

Максім Рыжанкоў адзначыў, што акцыя "Нашы дзеці" - гэта цудоўная шматгадовая традыцыя, якая была ініцыявана кіраўніком дзяржавы. А МЗС паўтара дзясятка гадоў ужо супрацоўнічае з сацыяльна-педагагічным цэнтрам Маскоўскага раёна Мінска.

"Наогул, усе дзеці нашы. Як бы ні складвалася сітуацыя ў іх сем`ях, усім трэба дапамагаць, каб яны не адчувалі сябе кінутымі, асабліва ў перыяд такіх свят, як Раство і Новы год", - падкрэсліў кіраўнік МЗС.

Ён адзначыў, што таксама акунуўся ў навагоднюю атмасферу: спецыяльна для гасцей выхаванцы падрыхтавалі святочную праграму з гарачымі танцамі і святочнымі песнямі. Такім чынам, прадстаўнікі МЗС не толькі ўручылі падарункі, але і самі атрымалі вялікі падарунак у выглядзе выступленняў дзяцей і добрага настрою.

"Для грамадскасці важна быць у рэчышчы гэтай акцыі. Гэта ўсё наша Радзіма, нашы дзеці, якія вырастуць і будуць у будучым з гордасцю несці сцяг Беларусі", - падкрэсліў міністр.

Паводле яго слоў, дзякуючы ўдзелу ў такіх дабрачынных мерапрыемствах народ становіцца больш з`яднаным. "Гэта якасці, якія заўсёды былі нам уласцівыя, - суперажыванне, калектывізм, саборнасць беларускай душы. Тое, што дапамагае ўнутры знайсці гэты пасыл, - прыйсці і дапамагчы ў нечым бліжняму або раздзяліць з ім радасць", - сказаў Максім Рыжанкоў.

24 снежня 2024, Мінск
БЕЛТА