Пасол Беларусі ў Таджыкістане Вольга Гаўрук 30 жніўня ўзяла ўдзел у адкрыцці двухдзённага міжнароднага эканамічнага форуму ў горадзе Харог Горна-Бадахшанскай аўтаномнай вобласці Таджыкістана.
Дыпламат выступіла з дакладам на тэму "Інвестыцыйная прывабнасць Рэспублікі Беларусь, вынікі і перспектывы супрацоўніцтва з Рэспублікай Таджыкістан", паведаміла прэс-служба беларускага знешнепалітычнага ведамства.
Падчас праведзеных у межах форуму сустрэч абмеркаваны пытанні "далейшага ўмацавання міжрэгіянальнага супрацоўніцтва і гандлёвых адносін паміж адміністрацыйна-тэрытарыяльнымі адзінкамі Беларусі і Таджыкістана".
У працы форуму бяруць удзел прадстаўнікі дзяржаўных структур, навуковых колаў, дыпламатычнага корпуса, міжнародных арганізацый, замежныя і мясцовыя прадпрымальнікі.
БелаПАНМінск, 30 жніўня 2013
