Пытанні супрацоўніцтва ў сферы вытворчасці калійных угнаенняў абмеркавалі 4 чэрвеня ў Маскве пасол Беларусі ў Расіі Андрэй Кабякоў і пасол Туркменістана ў гэтай краіне Бердымурад Раджэпаў.
Як паведаміла беларускае пасольста, бакі "выказалі агульнае задавальненне характарам і дынамікай развіцця як палітычных, так і гандлёва-эканамічных адносінаў паміж Рэспублікай Беларусь і Туркменістанам". Адзначаны "актыўны ўдзел Беларусі ў рэалізацыі праекта па будаўніцтве Гарлыцкага горна-абагачальнага камбіната па выпуску калійных угнаенняў".
Раджэпаў падкрэсліў, што вопыт Беларусі ў вытворчасці калійных угнаенняў вельмі важны і карысны для Туркменістана, таму супрацоўніцтва ў гэтай сферы мае для туркменскага боку асаблівую каштоўнасць, гаворыцца ў паведамленні.
Кабякоў у сваю чаргу "падзякаваў туркменскаму боку за палітычную падтрымку, што аказваецца Беларусі ў рамках міжнародных шматбаковых форумаў".
У ходзе сустрэчы дасягнута дамоўленасць "аб працягу развіцця наяўных цесных дружалюбных кантактаў паміж беларускім і туркменскім дыппрадстаўніцтвамі ў Маскве, а таксама аб далейшай актывізацыі двухбаковых адносінаў".
Дзмітрый Уласаў,
БелаПАНМінск, 4 чэрвеня 2012
