Беларуская дэлегацыя на чале з намеснікам прэм`ер-міністра Анатолем Калініным наведвае Бразілію.

27-га лістапада адбылося першае пасяджэнне беларуска-бразільскай сумеснай камісіі па эканамічным супрацоўніцтве.

Беларускую частку камісіі ўзначаліў намеснік міністра замежных спраў Яўген Шастакоў. У мерапрыемстве ўзялі ўдзел прадстаўнікі беларускіх і бразільскіх прадпрыемстваў і дзяржаўных органаў.

Па выніках працы камісіі быў падпісаны адпаведны пратакол, бакі выказалі зацікаўленасць у забеспячэнні рэгулярнага правядзення яе пасяджэнняў з мэтай далейшага ўмацавання беларуска-бразільскіх сувязяў у гандлёва-эканамічнай сферы.

Наступнае пасяджэнне камісіі плануецца правесці у 2018 годзе ў Мінску.

Таццяна Каравянкова, БелаПАН
Мінск, 28 лістапада 2017