Курс валютпокупкапродажа
USD371.3372.98
EUR420.8423.72
RUR5.565.62
www.kurs.kz
 


 



Найти
 
 


Беларусь і Турцыя правядуць конкурс сумесных інавацыйных праектаў


Пра гэта ішла гаворка 5 снежня ў Мінску на сустрэчы старшыні ДКНТ Аляксандра Шуміліна і пасла Турцыі ў Беларусі Нілваны Дарама.
Дзяржаўны камітэт па навуцы і тэхналогіях Беларусі і Міністэрства прамысловасці і тэхналогій Турэцкай Рэспублікі правядуць у першым квартале 2019 года конкурс сумесных беларуска-турэцкіх інавацыйных праектаў. 

Як паведаміла прэс-служба ДКНТ, заяўкі па прыярытэтных накірунках супрацоўніцтва ў сферы нана- і біятэхналогій, фармацыі, медыцынскіх тэхналогій, касмічных даследаванняў, суперкамп`ютараў будуць разглядацца Беларускім інавацыйным фондам і Саветам па навукова-тэхнічных даследаваннях Турцыі.

Бакі дамовіліся таксама актывізаваць двухбаковае супрацоўніцтва па лініі суб`ектаў інавацыйнай структуры, у прыватнасці паміж тэхналагічнымі паркамі Беларусі і турэцкімі навуковымі паркамі.

Пагадненне аб супрацоўніцтве ў галіне навукі і тэхналогій паміж урадамі Беларусі і Турцыі падпісана ў 2016 годзе (набыло моц 8 чэрвеня 2017 года). У 2017 годзе падпісаны мемарандум аб узаемаразуменні паміж Нацыянальным цэнтрам інтэлектуальнай уласнасці Рэспублікі Беларусь і Турэцкім агенцтвам па патэнтах і таварных знаках і мемарандум аб супрацоўніцтве паміж Беларускім інавацыйным фондам і Саветам навукова-тэхнічных даследаванняў Турцыі.

Першае пасяджэнне сумеснай Беларуска-турэцкай камісіі па супрацоўніцтве ў галіне навукі і тэхналогій адбылося 5 лістапада 2018 года.

Марына Носава, БелаПАН
Мінск, 5 снежня 2018
 
Дата публикации:05.12.2018
Тематика:Бизнес, В мире
Просмотров:33
 
Ключевые слова:
Инновации Сотрудничество Турция Суперкомпьютер
 
 


Комментарии