https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Конкурс прэтэндэнтаў на Рэспубліканскую дошку Гонару стартаваў у Мінску


У Мінску стартаваў конкурсны адбор сярод арганізацый сталіцы па вызначэнню лепшых кандыдатур для вылучэння ў прэтэндэнты на занясенне на Рэспубліканскую дошку Гонару.
Арганізацыі, якія жадаюць прыняць удзел у конкурсным адборы, могуць звяртацца ў адміністрацыі раёнаў Мінска па месцы іх дзяржаўнай рэгістрацыя. Заяўкі прымаюцца па 15 лютага 2022 года ўключна.

«У мінулым годзе многія арганізацыі сталіцы паказалі годныя вынікі фінансава-гаспадарчай дзейнасці, праявіўшы ініцыятыву і зладжанасць у рабоце. Перакананы, што яны заслугоўваюць прызнання. І лепшае прызнанне іх годнай працы і заслуг — занясенне на Рэспубліканскую дошку Гонару. Таму Менгарвыканкам і адміністрацыі раёнаў горада чакаюць актыўнага ўдзелу ў конкурсным адборы», — адзначыў старшыня камітэта эканомікі Мінгарвыканкама Уладзімір Навумовіч.

Традыцыя ўшанавання лепшых прадстаўнікоў розных галін і занясенне на Рэспубліканскую Дошку гонару існуе з 1999 года. Уладзімір Навумовіч упэўнены, што поспехі арганізацый, занесеных на дошку пашаны, — гэта натхняльны прыклад для ўсіх. «Ва ўсе часы Рух наперад забяспечваюць тыя, хто бярэ на сябе адказнасць і разумее, што ад асабістых намаганняў і вынікаў працы залежыць дабрабыт асобнага прадпрыемствы, галіны, рэгіёна, аўтарытэт і канкурэнтаздольнасць краіны. І чым больш такіх зацікаўленых і працавітых людзей, тым мацней і багацей будуць Мінск і наша родная Беларусь», — падкрэсліў старшыня камітэта эканомікі Мінгарвыканкама.

Каментуючы вынікі сацыяльна-эканамічнага развіцця сталіцы ў мінулым годзе, ён адзначыў, што ў няпростых умовах сусветнай эканомікі многія арганізацыі Мінска забяспечылі эканамічны рост за кошт развіцця інтэлектуальнага і творчага патэнцыялу работнікаў, мадэрнізацыі вытворчасцей, пошуку новых ідэй і тэхналогій. «Упэўнены, што для лепшых арганізацый, якія дасягнулі высокіх вынікаў у сферы сацыяльна-эканамічнага развіцця, Рэспубліканская дошка Гонару стане заслужанай ацэнкай іх дзейнасці», — падсумаваў Уладзімір Навумовіч.

Ксенія Дабрабыт
Звязда, 14 студзеня 2022
 
Дата публикации:14.01.2022
Тематика:Культура, Беларусь
Просмотров:29
 
Ключевые слова:
Доска почёта Конкурс Мінск
 
 


Комментарии