"У цэлым за апошнія гады грамадства значна пасталела ў палітычных адносінах. У абсалютнай большасці насельніцтва ёсць дакладнае разуменне, што лёс краіны можа вырашыць толькі яе народ, - сказаў Ігар Сергяенка. - Па выніках канстытуцыйнай рэформы ў Беларусі забяспечаны запас трываласці, які сёння дае магчымасць захаваць суверэнітэт, мір, самае галоўнае - устойлівае развіццё краіны, спакой, бяспеку, згоду".

Паводле слоў старшыні Палаты прадстаўнікоў, правядзеннем прэзідэнцкіх выбараў завяршаецца працэс абнаўлення грамадска-палітычнай сістэмы Беларусі. Пачатак палітычнай мадэрнізацыі краіны паклалі змяненні ў Канстытуцыю Рэспублікі Беларусь, прынятыя на рэспубліканскім рэферэндуме ў 2022 годзе. За гэты час у развіццё канстытуцыйнай рэформы адкарэкціраваны каля 100 законаў, у тым ліку Выбарчы кодэкс. Прыняты абсалютна новыя законы - аб Усебеларускім народным сходзе, аб асновах грамадзянскай супольнасці.

Ігар Сергяенка нагадаў, што 25 лютага мінулага года адбыўся адзіны дзень галасавання па выбарах дэпутатаў Палаты прадстаўнікоў Нацыянальнага сходу восьмага склікання і мясцовых Саветаў дэпутаў дваццаць дзявятага склікання. "Гэта значыць упершыню ў краіне праведзены выбары дэпутацкага корпуса ў такім фармаце, у такім маштабе - у адзіны дзень", - дадаў ён.

Старшыня Палаты прадстаўнікоў звярнуў увагу на тое, што ў Беларусі даволі эфектыўна працуе эканоміка. "Нашы міжнародныя пазіцыі ўмацоўваюцца, усе спробы апанентаў ізаляваць нас на сусветнай арэне ў асноўным церпяць няўдачы", - сказаў ён.

Ігар Сергяенка нагадаў, што Беларусь у 2024 годзе стала паўнапраўным членам Шанхайскай арганізацыі супрацоўніцтва, атрымала афіцыйны статус партнёра БРІКС, пацвердзіўшы тым самым сваю адпаведнасць стандартам і крытэрыям арганізацыі.

"Ва ўмовах беспрэцэдэнтнага знешняга націску прадаўжаем упэўнена дэманстраваць сваю эканамічную жыццяздольнасць і канкурэнтаздольнасць. Па выніках 2024 года рост валавога ўнутранага прадукту склаў 4 працэнты пры заданні 3,8 працэнта, інвестыцыі ўзраслі на 8 працэнтаў пры заданні 3,9 працэнта", - прывёў ён даныя.

25 студзеня 2025, Мінск
БЕЛТА