Плануецца пачаць будаўніцтва з раёнаў, дзе пражываюць больш за 800 тысяч чалавек, уключаючы Фрунзенскі і Маскоўскі раёны, а таксама новы жыллёвы комплекс «Паўночны Бераг». Пасля завяршэння станцыі «Парк Дружбы Народаў» (на трэцяй лініі метро) плануецца прыступіць да наступнага этапу. Глыбіня перасадачных стацый Кальцавой лініі будзе значна большай, у раёне 20–25 метраў (стандартная глыбіня — 12–16 метраў). Афармляцца новыя станцыі будуць у стылі мінімалізму і практычнасці, але будуць адрознівацца індывідуальнасцю. 

Штогадовы аб’ём перавозкі пасажыраў мінскім метро складае да 300 мільёнаў чалавек. Удзельная вага метрапалітэна ў гарадскіх перавозках камунальным пасажырскім транспартам набліжаецца да 40 працэнтаў, а сярэднесутачная перавозка — да 700 тысяч чалавек. У канцы снежня мінулага года трэцяя лінія была падоўжаная на 3 станцыі і ўведзена ў эксплуатацыю электрадэпо «Слуцкае».

Сяргей Куркач
Звязда, 6 сакавіка 2025