У заключны дзень спаборніцтваў, 31 траўня, на вышэйшую прыступку п’едэстала падняўся наш Георгій Фокін, які выступае ў вазе да 67 кг сярод атлетаў да 23 гадоў. Па ходзе турніру беларус перамог спартсменаў з Расіі, Турцыі, Узбекістана і Марока, а ў фінале адолеў Аюба Бернусі з ААЭ.

Таксама да вырашальнага паядынку ў моладзевай катэгорыі да 57 кг дайшоў наш Мірон Барбаровіч. Беларус быў мацнейшы за атлетаў з Азербайджана, Польшчы і Марока, але ў фінале саступіў украінцу Аляксандру Лаўрыненку і заваяваў срэбра.

Выніковы вынік нашай каманды на ЧС па муай-тай у Кемеры склаў шэсць узнагарод (1-2-3). Раней другое месца заняў Дзмітрый Шэльманаў (U23, да 91 кг), бронзавымі прызёрамі планетарнага форуму сталі Данііл Дзедавец (да 67 кг), Іван Шангін (U23, да 60 кг) і Руслан Кямалаў (U23, да 81 кг).

Звязда, 31 траўня 2025