На Міжнародную касмічную станцыю з касмадрома Байканур адправіўся экіпаж 21-й экспедыцыі наведвання ў складзе касманаўта "Раскосмасу" Алега Навіцкага, удзельніцы касмічнага палёту беларускі Марыны Васілеўскай і астранаўткі НАСА Трэйсі Дайсан.

У склад запаснага экіпажа ўвайшлі касманаўт "Раскосмасу" Іван Вагнер, удзельніца касмічнага палёту беларуска Настасся Лянкова і астранаўт НАСА Дональд Пеціт.

Дзяржкамісія прыняла рашэнне аб пуску ракеты-носьбіта "Саюз-2" з транспартным пілатуемым караблём "Саюз МС-25" 23 сакавіка. 21 сакавіка старт быў адменены па прычыне няштатнай сітуацыі.

23 сакавіка 2024, Байканур
БЕЛТА