Самалёты з Гомеля пачнуць лятаць у Санкт-Пецярбург з 22 сакавіка, паведамілі ў прэс-службе "Белавія".
"З 22 сакавіка "Белавія" запускае прамыя рэйсы з Гомеля ў Санкт-Пецярбург", - гаворыцца ў паведамленні авіяперавозчыка.
Адзначаецца, што палёт зойме паўтары гадзіны, цэны на білеты стартуюць ад 49 еўра.
Рэйсы будуць выконвацца тры разы на тыдзень – па аўторках, пятніцах і нядзелях.
Плануецца, што вылятаць з Гомеля самалёты будуць у 16:15, прылятаць у Піцер у 17:50. Зваротны рэйс у 18:40, прылёт у Гомель – у 20:10.
Нагадаем, што рэгулярныя палёты з Гомеля аднавіліся ў мінулым годзе: з 29 кастрычніка 2023-га "Белавія" выконвае рэйсы ў маскоўскі аэрапорт Унукава.
Таксама з паўднёва-ўсходняга абласнога цэнтра Беларусі з 21 студзеня 2024 года зноў лятаюць чартары на егіпецкі курорт Шарм-эль-Шэйх. Гэтыя рэйсы выконваюцца з частатой 1 раз у 10 дзён.
Апроч таго, чакаецца, што з 15 мая наладзіцца маршрут Гомель – Анталія.
