https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Лукашэнка адказаў Макрону на заявы адносна сітуацыі ў Беларусі


Прэзідэнт Беларусі Аляксандр Лукашэнка 27 верасня адказаў Прэзідэнту Францыі Эмануэлю Макрону на заявы адносна сітуацыі ў Беларусі.
БЕЛТА пацікавілася ў прэс-сакратара Прэзідэнта Наталлі Эйсмант рэакцыяй кіраўніка беларускай дзяржавы на нядаўнія заявы Прэзідэнта Францыі Эмануэля Макрона, зробленыя ім у інтэрв`ю выданню Le Journal du Dimanche. Ён, у прыватнасці, выказаў меркаванне, што ўлада Беларусі не можа прыняць "логіку дэмакратыі", быў уражаны "мужнасцю пратэстуючых" і зрабіў выснову, што "Аляксандр Лукашэнка павінен пайсці ў адстаўку".

Прэс-служба Прэзідэнта прадаставіла каментарый: "Так, кіраўнік дзяржавы азнаёміўся з заявай французскага калегі і адказаў літаральна наступнае:

"Першае. Як Прэзідэнт краіны, зыходзячы з прынцыпаў самога спадара Макрона (закладзеных у яго заяве-закліку пайсці ў адстаўку) хачу сказаць, што сам Прэзідэнт Францыі, кіруючыся ўласнай логікай, павінен быў бы пайсці ў адстаўку яшчэ два гады таму - калі на вуліцы Парыжа толькі пачалі выходзіць "жоўтыя камізэлькі". Гады ідуць, "камізэлькі" да гэтага часу на вуліцах, спадар Макрон на здзіўленне таксама да гэтага часу на пасадзе, а Францыя стала краінай, дзе масавыя пратэсты сталі прывычнай з`явай...

Акрамя "жоўтых камізэлек" таксама варта згадаць праблемы Францыі з рухам BLM і мусульманскія пратэсты ў Марсэлі і Ліёне, што перыядычна ўзнікаюць. Падагульніўшы ўсё гэта, Мінск жэстам добрай волі гатовы прапанаваць сябе ў якасці ўніверсальнай перагаворнай пляцоўкі, якая даказала сваю эфектыўнасць, - для мірнай перадачы ўлады любой з вышэйназваных груп.

Другое. Як вопытны палітык - нясталаму - хачу параіць спадару Макрону менш глядзець па баках і замест гэтага заняцца, нарэшце, унутранымі справамі Францыі. Хаця б пачаць вырашаць праблемы, якіх у краіне назбіралася нямала.

І нарэшце, як чалавек хачу адзначыць, што, як здаецца нам тут, у Беларусі, Эмануэль Макрон вельмі шмат увагі ўдзяляе аднаму з экс-кандыдатаў у прэзідэнты Беларусі. З улікам таго, што гэты экс-кандыдат - дама, французскі лідар рызыкуе да ўнутраных праблем Францыі атрымаць яшчэ і асабістыя - у сябе дома".

28 верасня 2020, Мінск
БЕЛТА
 
Дата публикации:28.09.2020
Тематика:Новости, В мире
Просмотров:229
 
Ключевые слова:
Франция Беспорядки Жёлтые жилеты Цветные революции Гибридная война Экспорт демократии
 
 


Комментарии