На пляцоўцы перад уваходам на канькабежны стадыён размешчаны экспазіцыі, прысвечаныя тэме бяспекі і аказання першай дапамогі.
У прыватнасці, ратавальнікі разгарнулі цэлы горад бяспекі. Інтэрактыўныя пляцоўкі і выстава рарытэтнай пажарнай тэхнікі не толькі ствараюць удзельнікам святочны настрой, але і нагадваюць аб правілах бяспекі. Моладзі расказваюць аб прычынах узнікнення пажару і нумарах службаў выратавання, прынцыпе работы аўтаномнага пажарнага апавяшчальніка. Таксама іх вучаць правілам паводзін у выпадку розных надзвычайных сітуацый пры дапамозе інавацыйных тэхналогій і сучаснага абсталявання.
Увазе ўдзельнікаў прадстаўлены магчымасці пажарнай тэхнікі і абсталявання, прадэманстраваны магчымасці беспілотнай авіяцыйнай тэхнікі, якая стаіць на ўзбраенні МНС. Хлопцы і дзяўчаты могуць прымераць баявое адзенне ратавальніка-пажарнага, пракаціцца на аўтамабілі, пераадолець паласу перашкод "Мацнейшы пажарны", паназіраць за выступленнем ратавальнікаў-кінолагаў.
Плануецца, што пазней пачнецца само дзейства на канькабежным стадыёне "Мінск-Арэны", якое пройдзе ў выглядзе флэш-моба.
Адукацыйны праект "Запусці сэрца" для вучняў Х класаў устаноў агульнай сярэдняй адукацыі стартаваў 16 сакавіка. Мерапрыемствы праходзілі па суботах у рамках шостага школьнага дня.
Праект прызначаны навучыць вучняў выконваць дзеянні, якія могуць выратаваць жыццё чалавека пры пагражаючых жыццю станах, сфармаваць навык базавай сардэчна-лёгачнай рэанімацыі пры аказанні першай дапамогі, правесці прафарыентацыйную работу.
