29 лістапада там пройдзе навукова-практычная канферэнцыя «Абарона Магілёва ў гады Вялікай Айчыннай вайны (1941-1945 гг. ) У гістарычных фактах і на старонках трылогіі К.М.Сіманава «Жывыя і мёртвыя».
Таксама адбудзецца аглядная экскурсіі па абласным цэнтры, госці наведаюць мемарыяльны комплекс «Буйніцкае поле» і ўскладуць кветкі да каменя Канстанціна Сіманава.
У літаратурным форуме прымаюць удзел вядомыя пісьменнікі з Беларусі і Расіі, грамадскія дзеячы, журналісты, гісторыкі, ветэраны вайны, прыхільнікі творчасці вядомага пісьменніка.
Канстанцін Сіманаў у ролі ваеннага карэспандэнта пабываў на ўсіх франтах. Большая частка яго ваенных карэспандэнцый друкавалася ў «Чырвонай зорцы». У гады вайны напісаў п’есы «Рускія людзі», «Чакай мяне», «Так і будзе», аповесць «Дні і ночы», дзве кнігі вершаў «З табой і без цябе» і «Вайна». Ужо пасля вайны выходзіць раман «Таварышы па зброі» (1952 ), кніга «Жывыя і мёртвыя» ( 1959). У 1963-1964 гадах піша раман «Салдатамі не нараджаюцца», у 1970-1971 — «Апошняе лета».
Першыя чытання адбыліся ў 1980 годзе, праз год пасля смерці Канстанціна Сіманава.
Звязда, 29 лістапада 2013
