У прабегу ўдзельнічае кіраўніцтва Міністэрства спорту і турызму і беларускія спартсмены. Яны стартуюць ад чатырох спартыўных аб’ектаў сталіцы: Палаца мастацкай гімнастыкі, «Чыжоўка-Арэны», стралковага комплексу імя Цімашэнкі і стадыёна «Дынама».

Першыя ўдзельнікі велапрабегу стартавалі ад стралковага комплексу імя Цімашэнкі. Настрой у спартсменаў быў выдатны: яны разміналіся, размаўлялі, фатаграфаваліся. Калі надышоў час, калона спартсменаў накіравалася да фінішнай кропкі.

Удзельнікі фінішуюць каля сталічнага Палаца спорту, дзе будзе націснута сімвалічная кнопка з адлікам часу да пачатку ІІ Гульняў краін СНД, якія пачнуцца роўна праз 30 дзён. Пасля гэтага ў Мінскай ратушы прэзентуюць медалі, спартыўную форму і талісмана спартыўных спаборніцтваў Рысіка.

Звязда, 5 ліпеня 2023