Беларуская спартсменка Аляксандра Сасновіч (71 у рэйтынгу WTA) паспяхова выступіла ў 1/4 фіналу турніру Libema Open серыі WTA-250, які праходзіць гэтымі днямі ў нідэрландскім Хертагенбошы.
Сасновіча адолела расіянку Людмілу Самсонаву (15 WTA) з лікам 7:6 (7:4), 3:1. Потым расіянка адмовілася ад працягу барацьбы.
Сасновіч і Самсонава сустракаліся на кортах раней асабіста толькі адзін раз – у фінале турніру ў Кліўлендзе ў 2022 годзе. Тады перамога засталася за Самсонавай.
Раней беларусцы ўдалося перамагчы італьянку Лукрэцыю Стэфаніні (111 WTA), а затым бельгійку Грэцье Мінен (120 WTA).
У сераду спаборніцкую гонку ў Хертагенбошы завяршыла Вікторыя Азаранка (19 WTA): яна ў другім крузе прайграла амерыканцы Эшлін Кругер (152 WTA) –3:6, 2:6.
Спаборніцтвы ў Нідэрландах прадоўжацца да 18 чэрвеня, іх прызавы фонд складае крыху больш за 225 тысяч еўра.
Беларускія спартсмены актыўна рыхтуюцца да Уімблдона. З беларусак у жаночым адзіночным разрадзе заяўлены Арына Сабаленка (2 WTA), Азаранка і Сасновіч. У мужчынскім адзіночным разрадзе рэспубліку на Уімблдоне будзе прадстаўляць толькі Івашка – ён унесены ў асноўную сетку пад 90-м нумарам.
