Старшыня Партыі БНФ Аляксей Янукевіч 17 ліпеня падаў дакументы на рэгістрацыю сваёй ініцыятыўнай группы.
На выбарах у Палату прадстаўнікоў Янукевіч збіраецца балатавацца па Аўтазаводскай акрузе № 92, дзе ён ўжо неаднарозава вылучаўся. У журнале рэгістрацыі дакументаў заява старшыні Партыі БНФ зарэгістраваная пад нумарам 7, паведамляе партыйная прэс-служба.
Таксама 17 ліпеня падаў дакументы на рэгістрацыю старшыня Слонімскай арганізацыі Партыі БНФ Іван Шэга. Ён збіраецца вылучацца па Слонімскай акрузе № 52.
Чэрвеньскі Сойм Партыі БНФ рэкамэндаваў сваім сябрам рэгістраваць ініцыятыўныя групы, ставіць пікеты, збіраць, але не здаваць подпісы ў выбарчыя камісіі.
БелаПАНМінск, 17 ліпеня 2012
