Кіраўнік беларускай дзяржавы Аляксандр Лукашэнка павіншаваў ваеннаслужачых з іх прафесійным святам - Днём дэсантнікаў і сіл спецыяльных аперацый, паведаміла прэс-служба беларускага лідэра.
Прэзідэнт падкрэсліў, што воіны ПДВ з пакалення ў пакаленне дэманструюць асаблівую згуртаванасць, сілу духу і прыклад адданасці Айчыне. У іх шэрагах заўсёды праходзілі службу "самыя загартаваныя, літаральна нязломныя людзі".
Лукашэнка таксама нагадаў, што ў гады ВАВ і ва ўсіх лакальных канфліктах воіны-дэсантнікі дзейнічалі ўмела і рашуча, яны праяўлялі адвагу і асабістую мужнасць нават у самых складаных умовах.
Як падкрэсліў беларускі лідэр, цяперашняе пакаленне ваеннаслужачых сіл спецаперацый УС Беларусі не толькі прадаўжаюць традыцыі, якія былі закладзены іх папярэднікамі, але і "цвёрда стаяць на варце бяспекі краіны і спакоі грамадзян".
"Дэсантнікі па праве лічацца элітай айчынных Узброеных сіл, набыўшы заслужаную любоў і павагу народа", – гаворыцца ў віншаванні.
Лукашэнка ўпэўнены, што беларускія дэсантнікі і надалей будуць заставацца надзейным шчытом, гонарам і славай краіны. Прэзідэнт пажадаў ім шчасця і дабрабыту, а таксама моцнага здароўя і новых поспехаў у служэнні на карысць Беларусі.
