«Масавае атручэнне адбылося ў басейне ў Варшаве. 23 чалавекі, якія плавалі ў басейне Polonez OSiR у варшаўскім раёне Таргувек, маюць сімптомы атручвання хлорам. Ратавальнікі даставілі 21 чалавека, сярод якіх ёсць дзеці, у шпіталі», — гаворыцца ў паведамленні. 

Адзначаецца, што на момант шпіталізацыі ўсе пацярпелыя былі ў свядомасці. Усяго з басейна былі эвакуяваныя каля 60 чалавек.

Паводле звестак радыёстанцыі, пробы вады, якія неадкладна былі ўзятыя ў басейне, паказалі шматразовае перавышэнне нормы ўтрымання хлору. «На дне басейна было выяўлена 8,03 міліграма хлору на літр пры норме 0,3-0,7, на паверхні 2,41 міліграма пры норме 0,3-0,7», — гаворыцца ў паведамленні.

Пры гэтым прадстаўнікі выратавальных службаў запэўніваюць, што мясцовым жыхарам небяспека не пагражае.

Звязда, 27 ліпеня 2024