Па словах выконваючага абавязкі прэзідэнта Алімпійскага савета Азіі Ранджыта Сінгха, беларусы і расіяне не перашкодзяць азіяцкім атлетам размяркоўваць узнагароды і пуцёўкі на Алімпійскія гульні.

Плануецца, што МАК сумесна з міжнароднымі спартыўнымі федэрацыямі вызначыць спецыяльную сістэму для беларусаў і расіян, каб і ў іх на Азіяцкіх гульнях была магчымасць кваліфікавацца на парыжскую Алімпіяду.

На гэтым тыдні Алімпійскі савет Азіі прапанаваў атлетам Беларусі і Расіі выступіць на летніх Азіяцкіх гульнях, якія адбудуцца з 23 верасня па 8 кастрычніка 2023 года ў кітайскім Ханчжоу. У некаторых відах спорту там будуць разыграныя алімпійскія ліцэнзіі.

Звязда, 29 студзеня 2023