Вставить в блог

Скопируйте следующий код для вставки в Ваш блог

<div><a href="http://belarus.kz"><img src="http://belarus.kz/images/01_logo.gif" border="0"></a><br /><br /><div>Днямі французскія фермеры зноў актывізавалі пратэсную актыўнасць — агравытворцы штурмавалі цэнтр занятасці ў Парыжы. Маніфестанты запатрабавалі прыняць іх у Елісейскім палацы. <br /><br />Прадстаўнікі галіны не задаволены аграрнай палітыкай краіны. Новыя правілы фінансавання зрэжуць датацыі сельскай гаспадарцы. Увядзенне «зялёных тэхналогій» прывядзе да падаражання прадукцыі і адаб`ецца на рыначных цэнах, што ў сваю чаргу ўдарыць па кішэнях спажыўцоў. Чаму еўрапейскія фермеры вымушаны бавіць каштоўны цяпер час не на палетках, а на пратэстах?</div>
  <div><br /></div>
  <div><strong>«Зялёная» ўмова</strong></div>
  <div><br /></div>
  <div>Адпраўным пунктам канфліктаў, як лічаць эксперты, стала паведамленне аб тым, што міністры сельскай гаспадаркі краін ЕС дамовіліся аб маштабнай аграрнай рэформе. Адзін з ключавых момантаў дамовы — кожная з дзяржаў Еўрасаюза павінна будзе ўвязаць пятую частку прамых датацыйных выплат з удзелам фермераў у экалагічных праграмах.</div>
  <div><br /></div>
  <div>Міністры сельскай гаспадаркі краін Еўрасаюза падтрымалі летась напрыканцы кастрычніка на пасяджэнні ў Люксембургу кампрамісную прапанову, з якой выступіла Германія, якая на той час старшынствавала ў Савеце Еўрапейскага саюза. Міністр сельскай гаспадаркі ФРГ Юлія Клёкнер заявіла па выніках двухдзённых перагавораў, што гаворка ідзе аб «сістэмных зменах» у аграпрамысловай галіне. «Мы дэманструем, што больш амбіцыйныя планы ў галіне экалогіі і абароны клімату ідуць поруч з харчовай бяспекай і неабходнай падтрымкай у галіне даходаў для кампаній», — падкрэсліла Клёкнер.</div>
  <div><br /></div>
  <div>Згодна з дасягнутымі дамоўленасцямі, фермеры ў далейшым павінны прытрымлівацца больш высокіх экалагічных стандартаў. Пры гэтым для дробных сельгасвытворцаў мяркуецца ўвесці спрошчаны кантроль, «які дазволіць знізіць адміністрацыйную нагрузку і ў той жа час забяспечыць іх уклад у дасягненне экалагічных і кліматычных мэт». Нарэшце, кожная з краін ЕС павінна будзе ўвязаць мінімум 20 працэнтаў прамых сельгасвыплат з удзелам фермераў у экалагічных праграмах. Каб гэтыя сродкі не «завіслі» — у тым выпадку, калі ўдзел падобнай праграмы акажацца недастаткова масавым, прадугледжана двухгадовая «фаза навучання», адзначыла Клёкнер. Падчас яе адпаведныя сродкі могуць быць прыцягнуты пры выкананні іншых крытэрыяў.</div>
  <div><br /></div>
  <div>Аграрныя выдаткі — адзін з найбуйнейшых артыкулаў бюджэту ЕС, на працягу найбліжэйшых сямі гадоў на гэтыя мэты мяркуецца выдзеліць 387 мільярдаў еўра. Германіі з гэтай сумы належаць 42 млрд еўра. Аднак Берлін не пазбегнуў пратэснай актыўнасці сельгасвытворцаў. Сёлета фермеры ФРГ неаднаразова выходзілі на акцыі. Гэта звязана, у прыватнасці, з тым, што многія нямецкія аграпрадпрыемствы, якія вырабляюць экалагічна чыстую прадукцыю, вымушаны зноў пераходзіць на звычайныя стандарты, таму што не атрымліваюць дапамогі ад дзяржавы. Акрамя таго, мітынгоўцы выступалі супраць узмацнення жорсткасці палітыкі ў галіне аховы клімату, а таксама патрабавалі шырокага грамадскага абмеркавання сельскагаспадарчага пакета федэральнага ўрада. Крытыка датычылася, у прыватнасці, запланаванага ўладамі абмежавання на выкарыстанне пестыцыдаў.</div>
  <div><br /></div>
  <div><strong>Гной каля мэрыі</strong></div>
  <div><br /></div>
  <div>Францыя з`яўляецца найбуйнейшым сельскагаспадарчым вытворцам у Еўрасаюзе і галоўным бенефіцыярам субсідый у рамках Агульнай сельскагаспадарчай палітыкі ЕС. Але і Парыжу не ўдалося вырашыць належным чынам вострае пытанне па выплатах сельгасвытворцам. Нядзіўна, што гэтая краіна стала адным з цэнтраў аграпратэстаў. Адна з найбуйнейшых акцый фермераў прайшла ў Страсбургу каля будынка Еўрапейскага парламента. Пра гэта паведаміла Agence France-Presse. Фермеры асцерагаюцца, што навацыі прывядуць да значных страт мясцовых прадпрыемстваў, адзначыла France24. Аграрыі з`ехаліся ў Страсбург з розных раёнаў Эльзаса па закліку Рэгіянальнай федэрацыі прафсаюзаў фермераў (FRSEA) і маладых фермераў (JA) Гранд-Эста. У горад сцягнулі ўнушальную мотакалону — каля 1500 трактароў.</div>
  <div><br /></div>
  <div>З-за такой колькасці тэхнікі быў часова заблакіраваны рух па аўтастрадзе, якая вядзе ў Страсбург. Транспартны калапс зафіксавалі ў радыусе да 10 кіламетраў вакол горада. Аграрыі пратэставалі супраць новай палітыкі ЕС у аграпрамысловай сферы. Яны лічаць, што яна можа негатыўна паўплываць на традыцыйную мадэль сельскай гаспадаркі ў рэгіёне.</div>
  <div><br /></div>
  <div>Сотні раз`юшаных стратамі падчас каранавірусных абмежаванняў дробных французскіх фермераў заехалі раніцай у Тулузу на трактарах і зладзілі маштабную акцыю пратэсту з выкарыстаннем гною і драўняных адходаў. Незадаволенасць прадпрымальнікаў, як паведамляе выданне Actu.fr, выклікала распрацоўка нацыянальных стратэгічных планаў, якія прадугледжваюць аказваць дзяржаўную дапамогу пераважна буйным карпарацыям.</div>
  <div><br /></div>
  <div>Актывісты паведамілі, што без дзяржаўнай падтрымкі яны будуць губляць па 160—170 еўра з кожнага гектара. Сапраўднай сельскай гаспадарцы ў Францыі, на іх думку, прыйдзе канец. Мясцовыя вытворцы не вытрымаюць канкурэнцыі з замежнай прадукцыяй, вырашчанай з ужываннем гербіцыдаў і генных мадыфікацый.</div>
  <div><br /></div>
  <div>Калоны трактароў перагарадзілі большасць выездаў з горада. Пасля паўдня прэфект Верхняй Гароны прыняў дэлегацыю фермераў. На словах бакі засталіся задаволеныя сустрэчай. Тым не менш, ад`язджаючы з горада, фермеры выгрузілі каля ўрадавага будынка кучу гною. Акрамя таго, пратэстанты завалілі некалькі гарадскіх вуліц пакрышкамі, драўнянымі адходамі і брудам, што справакавала некалькі сутычак з паліцыяй — выкарыстоўваліся нават вадамёты.</div>
  <div><br /></div>
  <div>Федэрацыя прафсаюзаў фермераў Роны (FDSEA) правяла мітынг перад мэрыяй Ліёна, патрабуючы адмяніць забарону на прыгатаванне мясных страў у гарадскіх школьных сталовых, паведаміў тэлеканал М6. Фермеры прыехалі на трактарах да будынка мэрыі з лозунгамі «Мяса нашых лугоў = здаровыя дзеці» і прывезлі з сабой некалькі кароў.</div>
  <div><br /></div>
  <div>Прафсаюзы заяўляюць, што пад прыкрыццём санітарнага пратакола мэр Ліёна Грэгары Дусе спрабуе выканаць сваё перадвыбарнае абяцанне аб увядзенні вегетарыянскага меню ў школьных сталовых. Паведамляецца, што канчатковае рашэнне павінен прыняць прэфект Роны. Раней мэр Ліёна прыняў рашэнне аб забароне мясных страў у школьных сталовых, тлумачачы яго неабходнасцю выканання санітарных мер па прадухіленні распаўсюджвання COVІD-19. Паводле яго слоў, мяса складана гатаваць, і стравы з яго трэба хутка раздаваць, каб яны не астылі. Гэта выклікае мітусню на раздачы, што перашкаджае выконваць санітарную дыстанцыю ў два метры. Дусе прапанаваў замяніць мяса рыбай і яйкамі.</div>
  <div><br /></div>
  <div>Страйк сельгасвытворцаў у Дыжоне перарос у падпал. Фермеры развялі вогнішча з пакрышак каля офіса ўлад, паведаміў іz.ru. Аграрыі былі не задаволены абмежаваннямі з-за пандэміі каранавіруса. Па прычыне забарон няма каму працаваць у палях і на фермах. Гарадок можа застацца без традыцыйнай прадукцыі — маладых сыроў і віна, алею і, канешне, знакамітай дыжонскай гарчыцы. У пачатку лютага фермеры ўжо праводзілі акцыю пратэсту. Тады каля будынка адміністрацыі вывалілі грузавік угнаенняў.</div>
  <div><br /></div>
  <div><strong>На мяжы самагубства</strong></div>
  <div><br /></div>
  <div>«У нас складваецца ўражанне, што імкненне да «памяншэння сельскай гаспадаркі» з`яўляецца лейтматывам (у новай палітыцы. — Рэд.). Гэта для нас непрымальна», — заўважыў прэзідэнт Генеральнай асацыяцыі вытворцаў пшаніцы (AGPB) Эрык Тыру. Па словах фермераў, змены ў палітыцы ЕС прывядуць да значных страт мясцовых ферм, а экалагічныя абмежаванні настолькі ўсюдыісныя, «што іх практычна немагчыма рэалізаваць». «Адзіная сельскагаспадарчая палітыка павінна падтрымліваць пэўную колькасць сельскагаспадарчых вытворцаў на дадзенай тэрыторыі. Мы хочам, каб яна засталася ранейшай. Цяпер у нас больш за 500 тысяч фермераў, але прапанаваная рэформа скароціць гэту колькасць удвая», — заўважыў генеральны сакратар прафсаюза фермераў у дэпартаменце Марна Ларан Шанпенуа.</div>
  <div><br /></div>
  <div>Сельская гаспадарка ў Францыі знаходзіцца ў жудаснай сітуацыі, 1500 ферм штогод знішчаюцца і выходзяць з бізнесу. Аб гэтым заявіў прафсаюзны лідар Макс Баўэр, дадаўшы, што ў выніку крызісу, які ахапіў галіну, весткі пра самагубствы фермераў прыходзяць штотыдзень. Паводле справаздачы за 2018 год, у краіне кожныя два дні зводзіў жыццё самагубствам як мінімум адзін сельгасвытворца. Паводле даных парламенцкага даклада за 2019-ы, узровень суіцыдаў сярод фермераў быў на 20 працэнтаў вышэйшы, чым у сярэднім па Францыі, а сярод малочных вытворцаў — увогуле на 30 працэнтаў. «Кожны трэці фермер атрымліваў менш чым 835 еўра, уключаючы дзяржаўную дапамогу, — заявіў Баўэр. — На такія грошы немагчыма пражыць».</div>
  <div><br /></div>
  <div>Невысокі ўзровень даходаў сельгасвытворцаў на ўласным вопыце спазнаў вядомы брытанскі тэлевядучы Джэрэмі Кларксан. Ён стаў фермерам і зняў пра гэта праграму. Шоу пад назвай «Ферма Кларксан» (Clarkson`s Farm) пакажа вядучага ў незвычайным для яго амплуа: раней ён у першую чаргу быў вядомы праграмамі пра аўтамабілі, а таксама вёў гульнявое шоу «Хто хоча стаць мільянерам», паведаміла Бі-бі-сі. Але на працягу апошніх двух гадоў ён пад пільным наглядам тэлекамер займаўся вядзеннем спраў на сваёй ферме «Чыпінг Нортан». Будзе справядлівым заўважыць, што спачатку Кларксан недаацэньваў усю сур`ёзнасць сваіх задач. «Але насамрэч усё аказалася неверагодна складаным, праблем там не абярэшся, а плацяць за гэта проста да непрыстойнасці мала. Таму мне прыйшло ў галаву запрасіць здымачную групу, якая будзе здымаць мяне за гэтым заняткам, і такім чынам я змагу пакрыць частку страт», — патлумачыў Кларксан.</div>
  <div><br /></div>
  <div><strong>Катастрофа стагоддзя</strong></div>
  <div><br /></div>
  <div>Сітуацыя ў Францыі ўскладняецца надвор`ем. Увесну начныя замаразкі не адпускалі як мінімум некалькі тыдняў і ахапілі амаль усю краіну. Дзесьці тэмпература апускалася да мінус 6 градусаў, выпаў нават 10-сантыметровы снег. А, між тым, у гэты час на пладовых дрэвах і вінаградзе сфарміраваліся пупышкі. Сяляне кожную ноч былі вымушаны паліць вогнішчы ў садах і вінаградніках, каб ахінуць расліны цёплым дымам. Аднак многім абараніць ураджай, хутчэй за ўсё, не ўдалося. У некаторых раёнах аграрыі кажуць аб 100-працэнтным вымярзанні пупышак на чарэшні, яблынях, сліве, вінаградзе. Міністр сельскай гаспадаркі і харчавання Францыі Жульен Дэнармандзі назваў тое, што здарылася, найбуйнейшай сельскагаспадарчай катастрофай цяперашняга стагоддзя.</div>
  <div><br /></div>
  <div>Сельская гаспадарка краіны рыхтуецца яшчэ да адной падзеі, якую многія лічаць пачаткам канца фермерства. Справа ў тым, што ўрад краіны рыхтуе нацыянальныя стратэгічныя планы, якія прадугледжваюць фінансавую дапамогу ад дзяржавы пераважна буйным карпарацыям. Фермераў, якія з пакалення ў пакаленне кормяць жыхароў краіны, выцесняць замежныя канкурэнты — транснацыянальныя карпарацыі, якія ўжываюць гербіцыды і ГМА, лічаць эксперты.</div>
  <div><br /></div>
  <div>Зараз у парламенце Францыі таксама знаходзіцца законапраект аб клімаце, які прапануе ўвесці падатак на азотныя ўгнаенні, аднак фермеры лічаць яго карным і несправядлівым. Даследаванне, праведзенае летась Міністэрствам сельскай гаспадаркі, паказала, што арганічныя ўгнаенні не могуць у поўным аб`ёме задаволіць патрэбы сельскай гаспадаркі краіны.</div>
  <div><br /></div>
  <div>Рэформа Адзінай сельскагаспадарчай палітыкі Еўрасаюза выклікала рознагалоссі з нагоды справядлівай аплаты працы і яе ўмоў. Еўрапейскія камісія, Савет і парламент імкнуліся дасягнуць пагаднення і зацвердзіць намечаныя перамены. Але ў спрэчку ўмяшаліся прафсаюзы, заявіўшы, што з 10 мільёнаў чалавек, якія працуюць у аграрным сектары, 4 млн знаходзяцца ў «драматычнай сітуацыі».</div>
  <div><br /></div>
  <div>Актывіст кампаніі Sezonіerі Соня Мела ўжо сем гадоў дапамагае сезонным рабочым і мігрантам на аўстрыйскіх фермах, дзе амаль ніколі не забяспечваецца мінімальны ўзровень зарплаты. «Асноўны від злоўжыванняў на фермах — гэта недаплата. Звычайна работнікі атрымліваюць значна ніжэй за дазволены мінімум. Недаплаты праяўляюцца і ў іншых адносінах уладальніка фермы з персаналам. Ён можа адымаць з іх занадта шмат грошай, напрыклад, за жыллё і харчаванне, або не кампенсаваць ім звышурочную работу».</div>
  <div><br /></div>
  <div>Каб скончыць з такой эксплуатацыяй, прафсаюзы заклікаюць улады Еўрасаюза выкарыстаць прынцып «сацыяльнай абумоўленасці». Гэта азначае, што прадпрыемствы, якія не выконваюць адпаведныя патрабаванні ў адносінах да работнікаў, страцяць доступ да еўрапейскіх фондаў.</div>
  <div><br /></div>
  <div>Тым часам стала вядома, што еўрапейскія парламентарыі і міністры сельскай гаспадаркі краін — членаў ЕС не здолелі прыйсці да пагаднення па новай Адзінай аграрнай палітыцы ЕС, закліканай абнавіць сектар, зрабіць яго больш эфектыўным, эканомным і экалагічна чыстым з 2023 года. Еўрасавет заявіў, што пасля трох дзён перагавораў «шэраг важных пытанняў застаўся нявырашаным». Таму абмеркаванне зноў адклалі — на гэты раз да наступнай сустрэчы еўрапейскіх міністраў сельскай гаспадаркі, якая павінна адбыцца ў чэрвені.</div>
  <div><br /></div>
  <div>
    <div>Аўтар: Захар Бурак<br /><a href="http://www.zviazda.by/" target="_blank">Звязда</a>, 1 чэрвеня 2021</div>
  </div><br /><br />Ссылка на источник:<a href="">Фермеры ў пастцы. Чым не задаволены еўрапейскія сельгасвытворцы?</a></div>

КонтактыЗаконодательствоНаши баннерыДобавить в избранноеПолезные ссылкиО проекте

Разработка сайта: веб-студия творческой группы "Весна".

Сделано Весной