Надзвычайны і Паўнамоцны Пасол Рэспублікі Беларусь у Рэспубліцы Сербія і ў Рэспубліцы Македонія па сумяшчальніцтву Уладзімір Чушаў 31 студзеня ўручыў даверчыя граматы прэзідэнту Македоніі Георге Іванаву.

У ходзе сустрэчы, якая адбылася пасля афіцыйнай цырымоніі ўручэння даверчых грамат, бакі закранулі шырокі спектр перспектыў беларуска-македонскіх адносін у палітычнай, эканамічнай і гуманітарнай сферах. Уладзімір Чушаў падкрэсліў зацікаўленасць Беларусі ў пабудове з Македоніяй узаемавыгаднага гандлёва-эканамічнага супрацоўніцтва. Размова ішла аб актывізацыі дзелавых кантактаў, развіцці міжрэгіянальных сувязей, а таксама пашырэнні дагаворна-прававой базы паміж Беларуссю і Македоніяй.

31 студзеня 2014, Мінск
Аліна Грышкевіч - БЕЛТА

Ссылка на текущий документ: http://belarus.kz/aktueller/0-1/904/24864

Текущая дата: 18.11.2024