Беларускі дзяржаўны ўніверсітэт выйграў конкурс на ўдзел у двух міжнародных праектах па акадэмічных абменах студэнтамі, выкладчыкамі і вучонымі паміж ВНУ краін СНД і ЕС, якія фінансуюцца адукацыйнай праграмай Еўрасаюза "Эразмус Мундус".
Як паведамляе прэс-служба ВНУ, праект HERMES ("Развіццё гуманітарнай адукацыі на аснове сусветнага вопыту") дазволіць прадстаўнікам БДУ прайсці навучанне і стажыроўку ў сямі ВНУ ЕС — Афінскім нацыянальным універсітэце імя Кападыстрыі (Грэцыя), Сафійскім універсітэце імя Св. Клімента Архідскага (Балгарыя), Талінскім універсітэце (Эстонія), Еўрапейскім універсітэце Віадрына (Германія), Універсітэце Венецыі Ка Фаскары (Італія), Універсітэце Салерна (Італія) і Лінчапінгскім універсітэце (Швецыя).
У межах праекта HUMERIA ("Гуманітарныя навукі, адукацыя, даследаванні і міжкультурныя зносіны паміж ЕС і ВНУ краін ЕІДП") прадстаўнікі БДУ змогуць прайсці навучанне і стажыроўкі ў Талінскім універсітэце (Эстонія), Універсітэце імя Масарыка (Чэхія), Універсітэце Тушыя (Італія), Універсітэце мастацтваў імя Джорджу Энеску (Румынія), Універсітэце Бабес-Баяі (Румынія), Акадэміі выканальніцкіх мастацтваў у Браціславе (Славакія), Лундскім універсітэце (Швецыя) і Універсітэце Гронінгена (Нідэрланды).
Як адзначае прэс-служба, гэтыя праекты забяспечаць студэнтам, магістрантам, аспірантам, выкладчыкам і маладым вучоным БДУ навучанне ці стажыроўку ў адной з названых ВНУ тэрмінам ад аднаго месяца да трох гадоў. Грант таксама ўключае стыпендыю, аплату праезду да ўніверсітэта і назад. Удзел у праекце дазваляе выбіраць курсы па сваёй спецыяльнасці, працаваць самастойна ў пэўнай прадметнай галіне і адначасова праходзіць навучальныя праграмы дзвюх ВНУ.
У БДУ ўжо дзейнічаюць чатыры міжнародныя праекты "Эразмус Мундус". Конкурсы па ўсіх шасці праектах будуць абвешчаны ў БДУ гэтай восенню.
Анастасія Салановіч, БелаПАН
Мінск, 14 жніўня 2013
У межах праекта HUMERIA ("Гуманітарныя навукі, адукацыя, даследаванні і міжкультурныя зносіны паміж ЕС і ВНУ краін ЕІДП") прадстаўнікі БДУ змогуць прайсці навучанне і стажыроўкі ў Талінскім універсітэце (Эстонія), Універсітэце імя Масарыка (Чэхія), Універсітэце Тушыя (Італія), Універсітэце мастацтваў імя Джорджу Энеску (Румынія), Універсітэце Бабес-Баяі (Румынія), Акадэміі выканальніцкіх мастацтваў у Браціславе (Славакія), Лундскім універсітэце (Швецыя) і Універсітэце Гронінгена (Нідэрланды).
Як адзначае прэс-служба, гэтыя праекты забяспечаць студэнтам, магістрантам, аспірантам, выкладчыкам і маладым вучоным БДУ навучанне ці стажыроўку ў адной з названых ВНУ тэрмінам ад аднаго месяца да трох гадоў. Грант таксама ўключае стыпендыю, аплату праезду да ўніверсітэта і назад. Удзел у праекце дазваляе выбіраць курсы па сваёй спецыяльнасці, працаваць самастойна ў пэўнай прадметнай галіне і адначасова праходзіць навучальныя праграмы дзвюх ВНУ.
У БДУ ўжо дзейнічаюць чатыры міжнародныя праекты "Эразмус Мундус". Конкурсы па ўсіх шасці праектах будуць абвешчаны ў БДУ гэтай восенню.
Анастасія Салановіч, БелаПАН
Мінск, 14 жніўня 2013
Ссылка на текущий документ: http://belarus.kz/aktueller/0-410/41/22733
Текущая дата: 24.11.2024