Дзевяць дакументаў на суму каля $10 млн падпісаны на пасяджэнні беларуска-ўкраінскага кансультатыўнага савета дзелавога супрацоўніцтва, якое стала часткай праграмы I Форуму рэгіёнаў Беларусі і Украіны.
Рамачны кантракт па прадастаўленні крэдытнага забеспячэння тавараабароту падпісаны паміж ТАА з ЗІ "БНХ Украіна" і АТ "Банк Крэдыт Днепр". Гомельскае і Віцебскае аддзяленні БелГПП падпісалі пагадненні аб супрацоўніцтве з украінскімі калегамі.
Кантракты на пастаўку прадукцыі ў краіну-суседку заключылі "Мазырсоль", Баранавіцкае вытворчае баваўнянае аб`яднанне, Даманаўскі вытворча-гандлёвы камбінат.
Як адзначыў у гутарцы з журналістамі прэзідэнт Гандлёва-прамысловай палаты Украіны Генадзь Чыжыкаў, беларуская прадукцыя запатрабавана на ўкраінскім рынку.
"Марка "Зроблена ў Беларусі" азначае высокую якасць. Гэта ведаюць украінскія спажыўцы", - сказаў ён. У ліку пытанняў, якія разгледзелі сёння бакі на пасяджэнні, - распрацоўка праекта пагаднення паміж Кабінетам міністраў Украіны і ўрадам Беларусі аб зацвярджэнні Палажэння аб стварэнні і прымяненні электроннай сістэмы сертыфікацыі паходжання тавараў.
Абмяркоўвалася міжрэгіянальнае супрацоўніцтва і экспартны патэнцыял абласцей, перспектывы выкарыстання гандлёвых пляцовак для пашырэння ўзаемнага гандлю Беларусі і Украіны, узаемадзеянне дзелавых колаў, прадпрыемстваў у розных сферах. Беларуска-ўкраінскі кансультатыўны савет дзелавога супрацоўніцтва створаны ў 2010 годзе з мэтай садзейнічання развіццю супрацоўніцтва паміж Беларуссю і Украінай у гандлёва-эканамічнай сферы, пашырэнню кантактаў паміж прадстаўнікамі дзелавых колаў, нарошчванню тавараабароту паміж дзвюма краінамі.
25 кастрычніка 2018, Гомель
БЕЛТА
Кантракты на пастаўку прадукцыі ў краіну-суседку заключылі "Мазырсоль", Баранавіцкае вытворчае баваўнянае аб`яднанне, Даманаўскі вытворча-гандлёвы камбінат.
Як адзначыў у гутарцы з журналістамі прэзідэнт Гандлёва-прамысловай палаты Украіны Генадзь Чыжыкаў, беларуская прадукцыя запатрабавана на ўкраінскім рынку.
"Марка "Зроблена ў Беларусі" азначае высокую якасць. Гэта ведаюць украінскія спажыўцы", - сказаў ён. У ліку пытанняў, якія разгледзелі сёння бакі на пасяджэнні, - распрацоўка праекта пагаднення паміж Кабінетам міністраў Украіны і ўрадам Беларусі аб зацвярджэнні Палажэння аб стварэнні і прымяненні электроннай сістэмы сертыфікацыі паходжання тавараў.
Абмяркоўвалася міжрэгіянальнае супрацоўніцтва і экспартны патэнцыял абласцей, перспектывы выкарыстання гандлёвых пляцовак для пашырэння ўзаемнага гандлю Беларусі і Украіны, узаемадзеянне дзелавых колаў, прадпрыемстваў у розных сферах. Беларуска-ўкраінскі кансультатыўны савет дзелавога супрацоўніцтва створаны ў 2010 годзе з мэтай садзейнічання развіццю супрацоўніцтва паміж Беларуссю і Украінай у гандлёва-эканамічнай сферы, пашырэнню кантактаў паміж прадстаўнікамі дзелавых колаў, нарошчванню тавараабароту паміж дзвюма краінамі.
25 кастрычніка 2018, Гомель
БЕЛТА
Ссылка на текущий документ: http://belarus.kz/aktueller/10-/143/45428
Текущая дата: 28.11.2024