Адзначаецца, што рост валавога ўнутранага прадуктупа выніках першага квартала 2014 года выйшаў з зоны адмоўных значэнняў і склаў 100,5%. "Гэтыя вынікі ўдалося дасягнуць ва ўмовах стагнацыі знешніх рынкаў і запавольвання эканамічнага росту ў асноўных краінах-партнёрах", — гаворыцца ў паведамленні.

Падкрэсліваецца, што "стабілізавана сітуацыя ў прамысловасці": у сакавіку ў дачыненні да лютага гэтага года прамысловая вытворчасць дабавіла 11,4%. Ранні пачатак вясновых палявых работ і рашэнні па своечасовым іх фінансаванні станоўча адбіліся на працы сельскай гаспадарцы: у сакавіку прадукцыя гэтага сектара эканомікі ў гаспадарках усіх катэгорый прырасла на 13,4%.

У студзені—лютым экспарт перавысіў імпарт на 460,9 млн. долараў ЗША. Станоўчае знешнегандлёвае сальда ў лютым прырасло на 193 млн. долараў ЗША.

Запасы гатовай прадукцыі да сярэднямесячнага аб`ёму вытворчасці зніжаюцца: на 1 красавіка 2014 года яны склалі 80,3%, што ніжэй чым у аналагічным перыядзе 2013 года (82,1%).

"Вынікі працы эканомікі ў цэлым знаходзяцца ў рамках індыкатыўных параметраў, зацверджаных ва ўрадзе", — адзначаецца ў паведамленні.

Аляксей Арэшка, БелаПАН
Мінск, 18 красавіка 2014

Ссылка на текущий документ: http://belarus.kz/aktueller/10-/288/25843

Текущая дата: 20.11.2024