Згодна з гэтай пастановай, банкі павінны ў поўным аб`ёме прадаваць замежную валюту, купленую за кошт уласных сродкаў на таргах адкрытага акцыянернага таварыства "Беларуская валютна-фондавая біржа", а таксама ў фізічных асоб.

Як паведамлялася, каменціруючы сітуацыю з недахопам валюты ў абменніках, у Нацбанку адзначалі, што задавальненне любой цаной ажыятажнага попыту насельніцтва неапраўдана. Таму банкі ў перыяд высокіх спекуляцыйных чаканняў прадавалі валюту ў межах яе куплі. Па меры адаптацыі банкаў да ўмоў новага механізма курсаўтварэння і замацавання дадатных тэндэнцый на валютным і дэпазітным рынках гэтыя пытанні будуць зняты, гарантаваў рэгулятар.

Цяпер прапанаванне валюты банкамі на наяўным сегменце рынку павялічваецца. Адпаведна паляпшаецца сітуацыя з валютай у абменніках.

28 студзеня 2015, Мінск
БЕЛТА