Пры гэтым знешні дзяржаўны доўг склаў 12,2 млрд. долараў ЗША, знізіўшыся з пачатку года на 192,1 млн. долараў ЗША, або на 1,5% (з улікам курсавой розніцы).

У студзені 2014 года прыцягнуты знешнія дзяржаўныя пазыкі на 60,1 млн. долараў ЗША: 45 млн. — па дзяржаўным экспартным крэдыце ўрада Расійскай Федэрацыі для будаўніцтва АЭС; 6,4 млн. — па крэдытах банкаў КНР; 8,7 млн. — па крэдытах Міжнароднага банка рэканструкцыі і развіцця (МБРР).

З пачатку года пагашаны знешнія дзярждаўгі на 244,7 млн. долараў ЗША. 183,9 млн. выплачана па абавязацельствах перад МВФ па крэдыце стэнд-бай; 60,8 млн. долараў ЗША — па крэдытах банкаў КНР.

Унутраны дзяржаўны доўг па стане на 1 лютага склаў 35,7 трлн. рублёў, павялічыўшыся з пачатку года на 6,8 млрд. рублёў, або на 0,02% (з улікам курсавой розніцы).

За студзень 2014 года размешчана ўнутраных валютных дзяржаўных аблігацый для фізічных асоб на 13,9 млн. долараў ЗША, пагашана дзяржаўных аблігацый для юрыдычных асоб на 37,5 млн. долараў ЗША і 20,3 млрд. рублёў.

Андрэй Серада, БелаПАН
Мінск, 1 сакавіка 2014

Ссылка на текущий документ: http://belarus.kz/aktueller/10-402/159/25267

Текущая дата: 03.10.2024