Белорусский портал в Казахстане

"Гарызонт" пашырае вытворчую лінейку беларускіх ноўтбукаў



Вытворчая лінейка беларускіх ноўтбукаў пашыраецца, паведамілі ў ААТ "Кіруючая кампанія холдынга "Гарызонт".

"Ноўтбук H-book 15 MAК4 (T52E4W) - моцны офісны гаджэт для паўсядзённых задач, аснашчаны лепшым у сваёй цэнавай катэгорыі прадукцыйным працэсарам. Акрамя высокай прадукцыйнасці, якая забяспечваецца 4-ядзерным працэсарам, ён таксама атрымаў 8 Гб аператыўнай памяці і звышхуткі накапляльнік на 512 Гб", - расказалі на "Гарызонце".

Яго аперацыйная сістэма працуе плыўна нават пры адначасовым адкрыцці мноства ўкладак браўзера і табліц. Ноўтбук можна выкарыстоўваць у рэжыме лакальнага прайгравання відэа ў фармаце Full HD да 7 гадзін або да 10 - у рэжыме анлайн-сёрфінгу.

Прадукт будзе даступны для продажу ў рознічных магазінах Беларусі, а таксама ў афіцыйным магазіне "Гарызонт" у ГЦ "Сталіца".

6 лютага 2023, Мінск
БЕЛТА

Ссылка на текущий документ: http://belarus.kz/aktueller/10-408/1/68303
Текущая дата: 29.03.2024