Аб гэтым паведамляе прэс-служба Міністэрства эканомікі.
На будаўніцтва жылога арэнднага комплексу ў кітайска-беларускім індустрыяльным парку "Вялікі камень" плануецца прыцягнуць на бязвыплатнай аснове 127,17 млн юаняў (каля 20 млн долараў).
Пагадненне паміж урадам Беларусі і ўрадам КНР аб рэалізацыі праекта "Будаўніцтва жылога арэнднага комплексу на тэрыторыі Кітайска-беларускага індустрыяльнага парку "Вялікі камень" заключанае 15 мая ў Мінску ў форме абмену лістамі.
Мемарандумам паміж Міністэрствам эканомікі Беларусі і Міністэрствам камерцыі Кітая аб супрацоўніцтве з мэтай развіцця індустрыяльнага парку ў рамках тэхніка-эканамічнай дапамогі ад 29 верасня 2016 года прадугледжана фарміраванне ўмоў для развіцця сацыяльнай інфраструктуры індустрыяльнага парку (жылы комплекс з убудаванымі памяшканнямі для выканання сацыяльных функцый). СЗАТ "Кампанія па развіцці індустрыяльнага парку" вызначаная атрымальнікам тэхніка-эканамічнай дапамогі для рэалізацыі праекта. Прадугледжана таксама, што СЗАТ за кошт уласных сродкаў забяспечвае фінансаванне расходаў па праектаванні жылога арэнднага комплексу, падрыхтоўцы будаўнічай пляцоўкі, будаўніцтве інфраструктуры, забеспячэнні будаўнічага нагляду, а таксама выдаткаў, звязаных з перавышэннем кантрактнага кошту гэтага комплексу ў адносінах да ліміту сродкаў тэхніка-эканамічнай дапамогі.
____________________________________________
Кітайска-беларускі індустрыяльны парк пачалі ствараць у 2012 годзе на падставе міжурадавага пагаднення паміж КНР і Беларуссю. Ён уяўляе сабой тэрыторыю плошчай 91,5 кв. км з асаблівым прававым рэжымам для забеспячэння камфортных умоў вядзення бізнесу, будуецца за 25 км ад Мінска. Прыярытэтныя напрамкі развіцця: электроніка, біямедыцына, тонкая хімія, машынабудаванне, новыя матэрыялы. Меркаваныя рынкі — краіны СНД і Еўрапейскага саюза.
Аляксей Аляксандраў, БелаПАН
Мінск, 17 мая 2018
Мінск, 17 мая 2018
Ссылка на текущий документ: http://belarus.kz/aktueller/10-412/4/43453
Текущая дата: 27.12.2024