Беларускія гімнасткі Аліна Гарнасько і Настасся Салас сталі прызёркамі першага этапу сусветнага Кубка выкліку па мастацкай гімнастыцы, які праходзіць у партугальскім Партымау.
Праграму заключнага дня спаборніцтваў адкрыў фінал у практыкаванні з абручом. Абедзве беларускія грацыі набралі за свае праграмы па 29,250 бала, але па дадатковым паказчыку Гарнасько абышла Салас і заваявала золата, у Настассі — срэбра. Тройку прызёрак замкнула амерыканка Меган Чу (28,100).
Следам у Партымау адбыўся фінал у практыкаванні з мячом, у якім Гарнасько таксама не было роўных — лідар нашай каманды зарабіла 27,950 бала, апярэдзіўшы Рын Кіз з ЗША і немку Вікторыю Штайнфельд. Напярэдадні Аліна атрымала перамогу ў мнагабор’і, а Настасся Салас заняла пятае месца сярод 48 удзельніц.
Звязда, 11 траўня 2025
Ссылка на текущий документ: http://belarus.kz/aktueller/12-1/1/77948
Текущая дата: 12.05.2025