Беларуская гарналыжніца Марыя Шканава заняла 23-е месца ў слаламе на этапе Кубка свету, які прайшоў 3 студзеня ў Заграбе, і зарабіла першыя ачкі ў агульны залік.
Па суме дзвюх спроб Марыя Шканава паказала рэзультат 2 мін 09,4 сек. Лепшай у слаламе ў жанчын у сталіцы Харватыі стала Вераніка Велес-Зузулава са Славакіі - 2 мін 02,53 сек.
У Заграбе не змаглі фінішаваць, дапусціўшы памылкі ў праходжанні дыстанцыі, некалькі вядомых гарналыжніц: аўстрыйка Міхаэла Кірхгасер, італьянка Сафія Годжыя, а таксама лідар агульнага заліку Кубка свету - Мікаэла Шыфрын з ЗША.
Беларуская гарналыжніца ў бягучым сезоне прыняла ўдзел у двух этапах Кубка свету. У канцы снежня ў аўстрыйскім Земерынгу яна выступіла ў гіганцкім слаламе, але не кваліфікавалася ў другую спробу, а ў слаламе не змагла фінішаваць.
Пасля выступлення ў Заграбе Марыя Шканава атрымала восем балаў у залік Кубка свету і займае ў рэйтынгу 93-е месца. Лідзіруе ў агульным заліку Кубка свету па гарналыжным спорце Мікаэла Шыфрын - 798 балаў.
4 студзеня 2017, Мінск
БЕЛТА
У Заграбе не змаглі фінішаваць, дапусціўшы памылкі ў праходжанні дыстанцыі, некалькі вядомых гарналыжніц: аўстрыйка Міхаэла Кірхгасер, італьянка Сафія Годжыя, а таксама лідар агульнага заліку Кубка свету - Мікаэла Шыфрын з ЗША.
Беларуская гарналыжніца ў бягучым сезоне прыняла ўдзел у двух этапах Кубка свету. У канцы снежня ў аўстрыйскім Земерынгу яна выступіла ў гіганцкім слаламе, але не кваліфікавалася ў другую спробу, а ў слаламе не змагла фінішаваць.
Пасля выступлення ў Заграбе Марыя Шканава атрымала восем балаў у залік Кубка свету і займае ў рэйтынгу 93-е месца. Лідзіруе ў агульным заліку Кубка свету па гарналыжным спорце Мікаэла Шыфрын - 798 балаў.
4 студзеня 2017, Мінск
БЕЛТА
Ссылка на текущий документ: http://belarus.kz/aktueller/12-1/123/38341
Текущая дата: 22.05.2024