Беларускі дзяржаўны педагагічны ўніверсітэт імя Максіма Танка 15 верасня правядзе дыктоўку да Дня народнага адзінства, паведамілі ў прэс-службе ВНУ.
Праверыць свае веды змогуць школьнікі, студэнты, супрацоўнікі ВНУ і ўсе жадаючыя. Анлайн-трансляцыя дыктанта будзе ажыццяўляцца на афіцыйным YouTube-канале БДПУ.
«Дыктаваць тэкст будзе загадчык кафедры мовазнаўства і лінгвадыдактыкі нашай ВНУ Дзмітрый Дзятко. Пасля заканчэння дыктанта арыгінальны тэкст будзе размешчаны на слайдзе, усе ўдзельнікі змогуць самастойна праверыць узровень сваіх ведаў», — праінфармавалі ў прэс-службе педуніверсітэта.
Звязда, 11 верасня 2023
Ссылка на текущий документ: http://belarus.kz/aktueller/15-/8/70964
Текущая дата: 27.12.2024