Белорусский портал в Казахстане

У Беларусі плануецца павялічыць увод жылля для шматдзетных сем`яў да 10 тыс. кватэр у год



Аб гэтым паведаміў 7-га жніўня міністр архітэктуры і будаўніцтва Анатоль Чорны.

У Беларусі плануецца павялічыць аб`ёмы ўводу жылля для шматдзетных сем`яў да 10 тыс. кватэр у год

У Беларусі ў бягучым годзе планавалася ўвесці ў строй 7 тыс. 29 кватэр для шматдзетных сем`яў, па папярэдніх падліках будзе ўведзена на 50 кватэр больш.

"Гэта максімум за апошнія гады. Зніжэння будаўніцтва жылля для гэтай катэгорыі грамадзян больш не будзе. Запланавана кожны год будаваць не менш як 7 тыс. кватэр, хоць цяпер шукаем сродкі для работы з указам нумар 240, для таго каб выходзіць на 10 тыс. кватэр у год для шматдзетных сем`яў. Чакаецца, што гэта станоўча паўплывае на дэмаграфічную сітуацыю ў краіне", - сказаў Анатоль Чорны.

У студзені-чэрвені для шматдзетных сем`яў было ўведзена 240 тыс. кв.м жылля - гэта ў 2,7 раза больш, чым за аналагічны перыяд мінулага года. Усяго ж для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 413 тыс. кв.м.

7 жніўня 2018, Мінск
БЕЛТА

Ссылка на текущий документ: http://belarus.kz/aktueller/2-/1/44511
Текущая дата: 16.08.2018