Белорусский портал в Казахстане

Долар ЗША і еўра на біржы зноў патаннелі, расійскі рубель падаражэў



10 кастрычніка на таргах Беларускай валютна-фондавай біржы беларускі рубель, як і напярэдадні, умацаваўся да долара ЗША і еўра, знізіўся да расійскага рубля.

Па выніках таргоў курс еўра знізіўся на 0,0088 рубля (0,36%) і склаў 2,4623 рубля.

Курс долара ЗША знізіўся на 0,0084 рубля (0,39%) і склаў 2,1453 рубля.

Курс расійскага рубля вырас на 0,0003 рубля (0,01%) і склаў 3,2417 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Да поўдня кошт бараля маркі Brent складаў 84,5 долара ЗША.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 пятніцы знізіўся на 0,5653 рубля і склаў 66,1832 рубля.

Аляксей Арэшка, БелаПАН
Мінск, 10 кастрычніка 2018

Ссылка на текущий документ: http://belarus.kz/aktueller/2-/1/45261
Текущая дата: 18.06.2019