Гэты дзень з`яўляецца трыццаць шостым па грыгарыянскім календары, таму да канца года засталося 329 дзён.
Якія падзеі адбыліся 5 лютага і чым адзначаны гэты дзень у народным календары, чытайце далей:
Гістарычныя падзеі 5 лютага
У 1940 годзе пачалося перасяленне некаторых катэгорый насельніцтва з Заходняй Беларусі ва ўнутраныя раёны СССР.
У 1992 годзе былі ўсталяваны дыпламатычныя адносіны паміж Рэспублікай Беларусь і Рэспублікай Аўстрыя.
Хто нарадзіўся 5 лютага
1923 год: Леанід Шчамялёў, беларускі жывапісец, народны мастак Беларусі.
1930 год: Расціслаў Янкоўскі, савецкі і беларускі акцёр.
Таксама сёння нарадзіўся партугальскі футбаліст Крышціяну Раналду.
5 лютага ў народным календары
Сёння праваслаўныя вернікі шануюць памяць святапакутніка Клімента і пакутніка Агафангела.
Гаспадыні ў гэты дзень пяклі пірагі з курыцай, якія сімвалізавалі ўрадлівасць і сямейнае шчасце. Кожны член сям`і з`ядаў па кавалачку, а рэшткамі кармілі свойскіх жывёл.
Калі ў гэты дзень было шмат снега, гэта значыць, будзе шмат хлеба. Калі заўважылі вавёрку на дрэве – будзе адліга. Яркае сонейка прадвяшчае раннюю вясну.
Sputnik, 5 лютага 2023
Ссылка на текущий документ: http://belarus.kz/aktueller/2-/1/68270
Текущая дата: 03.05.2024