Да канца 2012 года плануецца завяршыць стварэнне інтэрнэт-сайтаў усіх музеяў, падведамасных Міністэрству культуры Беларусі. Да гэтага ж часу ў сістэму музеяў павінны быць укаранёны праграмныя пакеты па аўтаматызацыі ўлікова-фондавай дзейнасці, паведамляе прэс-служба Мінкультуры.
Сёння аўтаматызаваная ўлікова-фондавая дзейнасць вядзецца ў 125 са 153 музеяў Беларусі, якія знаходзяцца пад эгідай міністэрства. Апрача таго, у верасні 2010 года быў створаны і дзейнічае Дзяржаўны каталог музейнага фонду, у якім зарэгістравана звыш 4 тысяч найбольш каштоўных прадметаў.
Паводле звестак прэс-службы, да 2015 года павінна завяршыцца стварэнне лакальных электронных музейных каталогаў, якія будуць уключаць поўнае апісанне прадметаў асноўнага музейнага фонду Беларусі.
Найбольш высокі ўзровень развіцця электронных рэсурсаў у сферы культуры дасягнуты ў бібліятэчнай сферы. Прэс-служба ведамства зазначае, што ўсе абласныя, цэнтральныя раённыя і гарадскія бібліятэкі маюць магчымасць выхаду ў інтэрнэт. Апрача таго, больш як 200 бібліятэк у аграгарадках аснашчаны электроннымі каталогамі цэнтральных раённых бібліятэк.
Гэтыя мерапрыемствы ажыццяўляюцца ў адпаведнасці з праграмай інфарматызацыі Беларусі, а таксама нацыянальнай праграмай паскоранага развіцця паслуг у сферы інфармацыйна-камунікацыйных тэхналогій да 2015 года.
Захар Шчарбакоў, БелаПАН
Мінск, 28 ліпеня 2011
Паводле звестак прэс-службы, да 2015 года павінна завяршыцца стварэнне лакальных электронных музейных каталогаў, якія будуць уключаць поўнае апісанне прадметаў асноўнага музейнага фонду Беларусі.
Найбольш высокі ўзровень развіцця электронных рэсурсаў у сферы культуры дасягнуты ў бібліятэчнай сферы. Прэс-служба ведамства зазначае, што ўсе абласныя, цэнтральныя раённыя і гарадскія бібліятэкі маюць магчымасць выхаду ў інтэрнэт. Апрача таго, больш як 200 бібліятэк у аграгарадках аснашчаны электроннымі каталогамі цэнтральных раённых бібліятэк.
Гэтыя мерапрыемствы ажыццяўляюцца ў адпаведнасці з праграмай інфарматызацыі Беларусі, а таксама нацыянальнай праграмай паскоранага развіцця паслуг у сферы інфармацыйна-камунікацыйных тэхналогій да 2015 года.
Захар Шчарбакоў, БелаПАН
Мінск, 28 ліпеня 2011
Ссылка на текущий документ: http://belarus.kz/aktueller/2-/1029/8209
Текущая дата: 15.11.2024