Каб даведацца ўсю інфармацыю аб гістарычным помніку, дастаткова навесці камеру смартфона на QR-код, які размешчаны на таблічках каля памятных месцаў.

У Год гістарычны памяці ў рамках патрыятычнага праекта беларускіх студэнцкіх атрадаў «Іх імёнамі названы студэнцкія атрады» БРСМ выступіў нацыянальным аператарам далейшай рэалізацыі ініцыятывы Моладзевай палаты пры Парламенцкім сходзе Саюза Беларусі і Расіі «Лічбавая зорка».

Пры падтрымцы Беларускага тэлеграфнага агенцтва БРСМ да 22 чэрвеня завяршыў рэдызайн сайта праекта «Лічбавая зорка».

Інтэрактыўны патрыятычны праект «Лічбавая зорка» накіраваны на фарміраванне духоўна-маральных, грамадзянскіх якасцяў асобы, развіццё цікавасці і павагі да помнікаў баявой славы, якія ўвекавечылі трагічныя і гераічныя падзеі мінулага. Кожнаму знакаваму месцу прысвойваецца QR-код, праз які ажыццяўляецца пераход на старонку сайта праекта з інфармацыяй аб падзеях, якія тут разгортваліся.

Сяргей Расолька
Звязда, 29 жніўня 2022