Анімацыйныя фільмы Нацыянальнай кінастудыі "Беларусьфільм" удастоены ўзнагарод на міжнародным фестывалі казачнага жанра ў дзіцячым і сямейным кіно "Хрустальныя ключы", паведамілі ў прэс-службе кінастудыі.
Мерапрыемства прайшло 10-18 лістапада ў горадзе Белакурыха ў Алтайскім краі Расіі. У намінацыі "Анімацыя. Кароткі метр" прыз і дыплом першай ступені атрымаў мультфільм "Лепшае месца на свеце" Ірыны Тарасавай, другое месца заваявала работа Ігара Волчака "Як мядзведзь сябра шукаў". Спецыяльны дыплом "За рамантычнасць" дастаўся анімацыйнаму фільму "Прыгажун і Пачвара" рэжысёра Наталлі Дарвінай-Хаткевіч.
У праграме таксама былі прадстаўлены мультфільмы такіх вядомых студый, як "Саюзмультфільм", "Кінафэст", Wizart Animation, Аnimaccord.
19 лістапада 2020, Мінск
БЕЛТА
19 лістапада 2020, Мінск
БЕЛТА
Ссылка на текущий документ: http://belarus.kz/aktueller/2-/327/57092
Текущая дата: 13.10.2024